Psa 10 | UznUzbL | STEP | Ijrochilar rahbariga. Dovud sanosi. Egamizda men panoh topaman, Qanday qilib siz menga: “Qush kabi uchib ketgin togʻlarga”, deysiz?

‏ Psalms 10

Ijrochilar rahbariga. Dovud sanosi.

1 Egamizda men panoh topaman,
Qanday qilib siz menga:
“Qush kabi uchib ketgin togʻlarga”, deysiz?
2 Sizlar menga:
“Qara, pokdilning yuragini panadan otmoq uchun
Qabihlar yoylarini tayyorladi,
Oʻqlarini shaylab, moʻljalga oldi.
3 Qonun oyoq osti boʻlganda,
Solih nima qila oladi?!” deb aytasiz.

4 Egamiz Oʻzining muqaddas Maʼbadidadir,
Egamizning taxti samodadir.
U insonni koʻzdan qochirmaydi,
Nigohi insonni tekshirib turadi.
5 Egamiz solihni hamda qabihni sinaydi,
Zulmni sevuvchidan U nihoyatda nafratlanadi.

6 Qabihning ustiga choʻgʻ, oltingugurt yogʻdiradi ^{▼▼ Qabihning ustiga choʻgʻ, oltingugurt yogʻdiradi… — Ibtido 19:24-25 ga qarang.},
Ularga ulush qilib garmselni ^{▼▼ garmsel — hosilga katta ziyon keltiradigan issiq shamol. Bu oʻrinda majoziy maʼnoda ishlatilib, Xudoning hukmini bildiradi.} beradi.
7 Egamiz adolatlidir, U toʻgʻri ishlarni sevadi,
Toʻgʻri yuradigan inson
Uning marhamatidan bahramand boʻladi.