Psa 113 | UznUzbL | STEP

‏ Psalms 113

1 – 2 Isroil xalqi Misrdan chiqib ketganda,
Yahudo yurti Xudoning muqaddas maskani boʻldi.
Ha, Yoqub nasli begona yurtdan ketganda,
Isroil yurti Xudoning shohligi boʻldi.

3 Dengiz Xudoni koʻrdi–yu, qochdi ^{▼▼ Dengiz Xudoni koʻrdi–yu, qochdi… — Chiqish 14:21-22 ga qarang.},
Iordan daryosi orqaga qaytdi ^{▼▼ …Iordan daryosi orqaga qaytdi — Yoshua 3:7-17 ga qarang.}.
4 Togʻlar qoʻchqorlar kabi sakradi ^{▼▼ Togʻlar qoʻchqorlar kabi sakradi… — Chiqish 19:16-19 va Hakamlar 5:4-5 ga qarang.},
Tepaliklar qoʻzilar kabi irgʻidi.

5 Ne boʻldi, ey dengiz, qochib ketding?
Ne boʻldi, ey Iordan, orqaga qaytding?
6 Ey togʻlar, nechun sakradingiz takalar kabi?
Ey tepaliklar, nechun irgʻidingiz qoʻzilar kabi?

7 Titragin, ey zamin, Rabbiy oldida,
Yoqubning Xudosi huzurida.
8 U qoyani suv hovuziga aylantirgan,
Qattiq qoyadan buloq chiqargan ^{▼▼ U…qoyadan buloq chiqargan — Chiqish 17:1-7 ga qarang.}.

9 Ey Egam! Sodiq sevging, sadoqating haqi
Senga sharaflar boʻlsin!
Bizga emas, Senga sharaflar boʻlsin!

10 Nima uchun begona xalqlar:
“Qani ularning Xudosi”, deya aytarlar?
11 Bizning Xudoyimiz samolardadir,
U istaganini qilaveradi.
12 Xalqlarning xudolari esa kumush, oltindan,
Inson qoʻllarining mahsulidir.
13 Butlarning ogʻizlari bor, soʻzlay olmaslar,
Koʻzlari bor, koʻra olmaslar.
14 Ularning quloqlari bor, eshita olmaslar,
Burunlari bor, hidlay olmaslar.
15 Ularning qoʻllari bor, seza olmaslar,
Oyoqlari bor, yura olmaslar,
Boʻgʻizlaridan ovoz chiqara olmaslar.
16 Butlarni barpo qilganlar, butlarga ishonganlar
Xuddi ularga oʻxshagan boʻlib qolar.

17 Ey Isroil xalqi! Ishoning Egamizga,
U madad berar, qalqon boʻlar sizga!
18 Ey Horun xonadoni! ^{▼▼ Horun xonadoni — Maʼbadda ruhoniylar boʻlib xizmat qilgan Horun nasli.} Ishoning Egamizga,
U madad berar, qalqon boʻlar sizga!
19 Ey Egamizdan qoʻrqqanlar! Ishoning Egamizga,
U madad berar, qalqon boʻlar sizga!

20 Egamiz bizni yodda tutib, baraka beradi,
Isroil xalqiga U baraka beradi,
Horun xonadoniga U baraka beradi.
21 Egamiz Oʻzidan qoʻrqqanlarga baraka beradi,
Kattayu kichikka bir xilda baraka beradi.

22 Egamiz sizlarni,
Bolalaringizni koʻpaytirsin.
23 Yeru osmonni yaratgan Egamiz
Sizlarga baraka bersin.
24 Samolar Egamizning samolaridir,
Yerni esa U insonlarga bergandir.
25 Oʻlim sukunatiga botgan marhumlar
Egamizga hamdu sano aytmaslar.
26 Biz esa Egamizga hozir ham, abadulabad
Olqishlar aytamiz.

Egamizga hamdu sanolar boʻlsin!