Psa 119 | UznUzbL | STEP | Ziyorat qoʻshigʻi .

‏ Psalms 119

Ziyorat qoʻshigʻi ^{▼▼ Ziyorat qoʻshigʻi — ibroniycha matndan soʻzma–soʻz tarjimasi Yuqoriga chiqish qoʻshigʻi, yaʼni Quddusga va Maʼbad turgan tepalikka chiqilayotganda aytiladigan qoʻshiq. 119-133–sanolarning hammasi “ziyorat qoʻshiqlari” deb atalgan. Ziyoratchilar diniy bayramlarni nishonlash uchun Quddusga borayotganlarida ham, bayramlarni Maʼbadda nishonlaganlarida ham, sajda sifatida shu qoʻshiqlarni kuylagan boʻlishlari mumkin. Yana 83–sanoga qarang.}.

1 – 2 Qaygʻu–alamdan Egamga faryod qildim:
“Ey Egam, yolgʻonchi lablardan,
Makkor tildan jonimni asragin!”
U faryodimga javob berdi.

3 Ey makkor til, Egamiz boshingga ne kunni solar ekan?
Senga qanday jazo berar ekan?
4 U jangchining oʻtkir oʻqlari bilan seni jazolaydi,
Yonayotgan yulgʻun butasining choʻgʻlari bilan senga jazo beradi.

5 Holimga voy, Meshexda musofirman,
Kedar ^{▼▼ …Meshex…Kedar… — Meshex hududi Kaspiy dengizi bilan Qora dengiz orasida, Kedar yerlari esa Arabiston sahrosida joylashgan. Odamlarning tasavvuriga koʻra, bu joylarda yashaydigan xalqlar varvarlar boʻlib, ularning yerlari nihoyatda olisda deb hisoblangan.} chodirlari orasida yashayman.
6 Tinchlikdan nafrat etuvchi xalq orasida
Yashashdan charchadim.
7 Men tinchlik tarafdoriman,
Ammo gapiray deb, ogʻiz ochsam,
Ular urushni istaydilar.