Psa 137 | UznUzbL | STEP | Dovud sanosi. Ey Egam, chin dildan Senga shukrona aytaman, Farishtalar oldida Sening madhingni kuylayman.

‏ Psalms 137

Dovud sanosi.

1 Ey Egam, chin dildan Senga shukrona aytaman,
Farishtalar ^{▼▼ Farishtalar — ibroniycha matnda Elohim, 8:6 izohiga qarang.} oldida Sening madhingni kuylayman.
2 Muqaddas Maʼbading oldida sajda qilaman,
Sodiq sevging, sadoqating uchun Oʻzingga shukrona aytaman,
Nomingni ham, soʻzingni ham har narsadan yuqori qoʻygansan.
3 Chaqirganimda, menga javob bergansan,
Qudrating bilan meni jasur qilgansan.

4 Ey Egam, zamin shohlari Senga shukur aytadi,
Ogʻzingdan chiqqan soʻzlarni ular eshitganlar.
5 Ey Egam, ishlaringni ular kuylasinlar!
Zero, Sening shuhrating buyukdir!
6 Garchi Sen yuksak boʻlsang–da, xor boʻlganlarga boqasan,
Kiborlarni Sen uzoqdan ham bilasan.

7 Kulfatda yursam ham, dushmanlarim gʻazabidan saqlaysan,
Oʻng qoʻlingni uzatib, meni qutqarasan.
8 Ey Egam, men uchun qasos olasan ^{▼▼ …men uchun qasos olasan — yoki …mening hayotim uchun qoʻygan oʻz maqsadingni bajarasan yoxud …menga ezgulik qilasan.}.
Sodiq sevging to abad davom etar,
Oʻzing yaratganlarni tark etmagin.