Psa 22 | UznUzbL | STEP | Dovud sanosi. Egam mening choʻponimdir, Men muhtojlik koʻrmasman aslo.

‏ Psalms 22

Dovud sanosi.

1 Egam mening choʻponimdir,
Men muhtojlik koʻrmasman aslo.
2 Yam–yashil yaylovlarda U menga orom beradi,
Sokin irmoqlar boʻyida U meni yetaklaydi.
3 U menga qayta kuch baxsh etadi.
Oʻzining nomi haqi–hurmati
Meni toʻgʻri yoʻlga boshlaydi.

4 Ey Egam!
Hatto zulmat vodiysida ^{▼▼ zulmat vodiysi — yoki oʻlim vodiysi zulmati.} yursam ham,
Xavf–xatardan qoʻrqmayman,
Axir, Sen men bilan birgasan.
Sening choʻpon tayogʻing ^{▼▼ tayoq — yovvoyi hayvonlarni haydab yuborish uchun ishlatilgan.},
Xiviching ^{▼▼ Xivich — qoʻylarga yoʻl koʻrsatish, ularni boshqarish va xavfli joylardan qutqarish uchun ishlatilgan.} meni himoya qiladi.

5 Dushmanlarimning koʻz oʻngida
Men uchun dasturxon tuzaysan.
Boshimga moy surtib,
Sen meni hurmat bilan kutib olasan.
Kosamni lazzatli neʼmatlarga lim–lim toʻldirasan.
6 Umrim boʻyi Sening mehr–shafqating izimdan yuradi,
Ey Egam, Sening uying to abad mening maskanim boʻladi.