Psa 81 | UznUzbL | STEP | Osif sanosi. Xudo raislik qilar samodagi kengashida , U hukm chiqarar xudolar orasida:

‏ Psalms 81

Osif ^{▼▼ Osif — 49–sanoning izohiga qarang.} sanosi.

1 Xudo raislik qilar samodagi kengashida ^{▼▼ samodagi kengash — Xudoning taxti atrofida samoviy mavjudotlar yigʻilgani haqida Eski Ahdda bir necha marta soʻz yuritilgan (misol uchun, 88:6-8, 3 Shohlar 22:19-22, Ayub 1:6-12, 2:1-6, 15:8, Ishayo 6:1-8 ga qarang).},
U hukm chiqarar xudolar ^{▼▼ xudolar — ibroniycha matnda elohim (shu sanoning 6–oyatida ham bor). Odatda bu soʻz Xudoga ishora qiladi, ammo hukmdorlar, ilohiy mavjudotlar yoki farishtalarni ham bildirishi mumkin.} orasida:
2 “Qachongacha sizlar nohaq hukm qilasiz?!
Fosiqqa tarafkashlik qilasiz?!
3 Zaif, yetimlarga adolat koʻrsating,
Mazlum, qashshoqlarning haqini himoya qiling.
4 Zaif, muhtojlarni qutqaring,
Fosiqning qoʻlidan ularni ozod eting.
5 Hech narsani bilmaysiz, tushunmaysiz,
Sizlar zulmatda yurasiz,
Zaminning poydevori ^{▼▼ Zaminning poydevori — 17:16 izohiga qarang.} larzaga keladi.
6 Aytdimki: hammangiz xudolarsiz,
Xudoyi Taoloning oʻgʻillarisiz.
7 Ammo oddiy odamday oʻlib ketasiz,
Har qanday hukmdor kabi qulaysiz.”

8 Qani, ey Xudo, olamni hukm qil,
Zotan, hamma xalqlar Senikidir.

‏ Psalms 81

Osif ▼▼ Osif — 49–sanoning izohiga qarang. sanosi.

Osif ^{▼▼ Osif — 49–sanoning izohiga qarang.} sanosi.