Psa 86 | UznUzbL | STEP | Koʻrax naslining sanosi. Qoʻshiq.

‏ Psalms 86

1 Koʻrax naslining ^{▼▼ Koʻrax nasli — 41:1 ning birinchi izohiga qarang.} sanosi. Qoʻshiq.
2 Egamiz yaratgan shahar muqaddas togʻda ^{▼▼ muqaddas togʻ — Quddusdagi Sion togʻiga ishora. 47:3 ning ikkinchi izohiga qarang.} turibdi,
Yoqub naslining barcha maskanlaridan koʻra,
Egamiz Quddus ^{▼▼ Quddus — ibroniycha matnda Sion (shu sanoning 4, 5, 6–oyatlarida ham bor). 2:6 izohiga qarang.} darvozalarini koʻproq sevadi.
3 Ey Xudoning shahri!
Sen toʻgʻringda Xudo ajoyib soʻzlar aytgan:
4 “Meni eʼtirof etadiganlar orasida
Misrni ^{▼▼ Misr — ibroniycha matnda Rahob, Levitanning yana bir ismi, Kanʼon xalqlarining qadimiy afsonalarida uchraydigan maxluq (73:14 ning birinchi izohiga qarang). Bu oʻrinda Rahob Misrning sheʼriy nomi sifatida kelgan (Ishayo 30:7 ga qarang).}, Bobilni, Filistiyani,
Tir ^{▼▼ …Filistiya…Tir… — Filistiya Oʻrta yer dengizi boʻyida joylashgan yurt edi. Tir Finikiyadagi shahar boʻlib, Isroildan shimolda, Oʻrta yer dengizi boʻyida joylashgan.} bilan Habashistonni ^{▼▼ Habashiston — ibroniycha matnda Kush. Bu joy Misrdan janubda boʻlib, hozirgi Sudan va Efiopiya mamlakatlarining bir qismini oʻz ichiga olgan edi.} ham qayd etaman.
Odamlar ularni ham: «Quddusda tugʻilgan», deb aytadi.”

5 Ha, Quddus haqida odamlar shu soʻzni aytadi:
“Har biri oʻsha yerda tugʻilgan,
Xudoyi Taoloning Oʻzi Quddusni mustahkam qiladi.”
6 Egamiz xalqlarning roʻyxatini tuzib:
“Bu odam ham Quddusda tugʻilgan”, deb yozadi.
7 Xonish qilib, raqs tushib ular:
“Hayotim manbai Sendadir”, deb aytadi.