Psa 124 | UznUzbL | STEP | Ziyorat qoʻshigʻi. Egamizga umid bogʻlaganlar Sion togʻiga oʻxshar, Hech qachon tebranmas, to abad mustahkam turar.

‏ Psalms 124

Ziyorat qoʻshigʻi.

1 Egamizga umid bogʻlaganlar Sion togʻiga oʻxshar,
Hech qachon tebranmas, to abad mustahkam turar.
2 Togʻlar Quddusni oʻraganday,
Hozirdan boshlab, to abad
Egamiz Oʻz xalqini oʻrab olgandir.

3 Fosiq shohning saltanat hassasi ^{▼▼ saltanat hassasi — bu maxsus hassa boʻlib, shoh va hukmdorlarning hokimiyatini bildiruvchi ramz edi.}
Solihlarning yurtida uzoq qolmaydi.
Boʻlmasa solihlar qoʻllarini yomon ishlarga uzatadi.

4 Ey Egam, yuragi toʻgʻri boʻlganlarga,
Yaxshilarga yaxshilik qilgin.
5 Ey Egam, egri yoʻllarga burilganlarni
Badkirdorlar bilan birga haydab yuborgin.
Isroil uzra tinchlik boʻlsin!