Psa 134 | UznUzbL | STEP | Egamizga hamdu sanolar boʻlsin! Egamizning nomiga madhiyalar boʻlsin! Hamdu sano ayting, ey Egamizning qullari,

‏ Psalms 134

1 Egamizga hamdu sanolar boʻlsin!

Egamizning nomiga madhiyalar boʻlsin!
Hamdu sano ayting, ey Egamizning qullari,
2 Ey Egamizning uyida xizmat qiladiganlar,
Ey Egamiz uyining hovlisida xizmat qiladiganlar!
3 Egamizga hamdu sanolar boʻlsin,
U yaxshidir!
Tarannum eting Uni, bu ^{▼▼ bu — yoki U.} yoqimlidir.
4 Egamiz Oʻzi uchun Yoqub naslini tanladi.
Ha, Oʻzimning xazinam deb, Isroil xalqini tanladi.

5 Ha, bilaman, Egamiz ulugʻdir,
Rabbimiz barcha xudolardan yuksakdir.
6 Osmonda ham, zaminda ham,
Dengizlarda, jamiki tubsiz suvlarda
Egamiz istaganini qiladi.
7 U yerning toʻrt tomonidan bulutlarni olib keladi,
Yomgʻir bilan birga chaqmoq yuboradi,
Omborlaridan shamol olib keladi.

8 Egamiz Misrning toʻngʻichlarini,
Inson hamda hayvonlarning birinchi tugʻilganlarini nobud qildi ^{▼▼ Egamiz Misrning toʻngʻichlarini…nobud qildi — Chiqish 12:29-30 ga qarang.}.
9 Firʼavn va uning hamma aʼyonlariga qarshi
Misrning orasiga Egamiz alomatu moʻjizalarni yubordi ^{▼▼ Firʼavn va uning hamma aʼyonlariga qarshi…Egamiz alomatu moʻjizalarni yubordi — Chiqish 7:8-11:10 ga qarang.}.
10 U koʻp ellar, xalqlarni qirgan,
Qudratli shohlarni boʻgʻizlagan.
11 Amor xalqining shohi Sixoʻnni, Bashan shohi Oʻgni hamda
Kanʼonning barcha shohlarini qirgan ^{▼▼ Amor xalqining shohi Sixoʻnni, Bashan shohi Oʻgni…qirgan — Sahroda 21:21-35 va Qonunlar 2:24-3:11 ga qarang.}.
12 Ularning yerini Isroil xalqiga mulk qilib berdi.

13 Egamizning nomi to abad davom etar,
Egamizning shuhrati nasllar osha davom etar.
14 Egamiz Oʻz xalqiga adolat qiladi,
Oʻz qullariga rahm–shafqat qiladi.

15 Xalqlarning xudolari esa kumush, oltindan,
Inson qoʻllarining mahsulidir.
16 Butlarning ogʻizlari bor, soʻzlay olmaslar,
Koʻzlari bor, koʻra olmaslar.
17 Quloqlari bor ularning, eshita olmas,
Ular aslo nafas ololmas.
18 Butlarni barpo qilganlar, butlarga ishonganlar
Xuddi ularga oʻxshagan boʻlib qolar.

19 Ey Isroil xalqi, olqishlar ayting Egamizga!
Ey Horun xonadoni ^{▼▼ Horun xonadoni — Horunning avlodi Maʼbadda ruhoniy boʻlib xizmat qilgan.}, madhiyalar ayting Egamizga!
20 Ey Levi xonadoni ^{▼▼ Levi xonadoni — Maʼbaddagi xizmatlarda ruhoniylarga yordam beradigan Levi qabilasining aʼzolari.}, olqishlar ayting Egamizga!
Ey Egamizdan qoʻrqqanlar, madhiyalar ayting Unga!
21 Quddusda istiqomat qiladigan Egamizga
Sionda olqishlar ayting!

Egamizga hamdu sanolar boʻlsin!