Psa 44 | UznUzbL | STEP | Ijrochilar rahbariga. “Nilufar” kuyiga aytiladigan toʻy qoʻshigʻi. Koʻrax naslining qasidasi .

‏ Psalms 44

1 Ijrochilar rahbariga. “Nilufar” kuyiga aytiladigan toʻy qoʻshigʻi. Koʻrax naslining ^{▼▼ Koʻrax nasli — 41:1 ning birinchi izohiga qarang.} qasidasi ^{▼▼ qasida — 31–sanoning izohiga qarang.}.
2 Shohimga sheʼrlarimni bagʻishlayman,
Yuragimdan goʻzal soʻzlar toʻkiladi,
Tilim mohir kotib qalamiga oʻxshaydi.

3 Ey shohim! Insonlar orasida juda chiroylisan.
Xudo senga to abad baraka bergani uchun
Lablaringdan latif soʻzlar yogʻiladi.
4 Ey qudratli shoh, belingga bogʻla qilichingni,
Hashamatu ulugʻvorliging bilan zohir boʻlgin.

5 Ulugʻvorlik bilan olgʻa bos!
Haqiqat, kamtarlik, adolat uchun gʻalaba qil!
Oʻng qoʻling qoʻrqinchli ishlar koʻrsatsin.
6 Gʻanimlaringning yuragini
Oʻtkir oʻqlaring teshib oʻtadi.
Xalqlar oyogʻing ostiga yiqiladi.

7 Xudo bergan taxting ^{▼▼ Xudo bergan taxting… — yoki Ey Xudo, taxting….} abadiydir,
Adolat hassasi shohliging hassasidir.
8 Sen solihlikni sevasan, qabihlikdan nafratlanasan.
Shu bois Xudo seni doʻstlaringdan ustun qildi,
Ha, Xudoying shodlik moyini senga surtdi.
9 Libosingdan mirra ^{▼▼ mirra — maʼlum bir daraxtlarning qotgan yelimidan tayyorlangan xushboʻy modda.},
Aloe va dolchinning xushboʻy hidlari ufurar.
Fil suyagi bilan bezatilgan saroylarda
Cholgʻu navolari seni shod qilar.
10 Shoh qizlari izzatli xonimlaring orasidadir,
Ofir ^{▼▼ Ofir — bu yurt Arabiston yarim orolining janubida joylashgan boʻlishi mumkin. Ofir oltini eng sifatli oltin hisoblangan.} oltiniga bezangan malika oʻng qoʻlingda oʻtirar.

11 Tingla, ey qiz, quloq solib, oʻylagin,
Xalqing, otang xonadonin unutgin.
12 Jamolingga shoh maftun boʻlgandir,
Taʼzim qil unga, u xoʻjayiningdir.
13 Tir ^{▼▼ Tir — Finikiyada muhim ahamiyatga ega boʻlgan shahar. Bu shahar Isroildan shimolda, Oʻrta yer dengizi boʻyida joylashgan edi. Bugungi kunda bu yer Livan mamlakatining janubiy qismini tashkil qiladi.} xalqi hadyalar olib keladi,
Boylar sendan marhamat istaydi.
14 Saroyda malika naqadar goʻzal!
Liboslari oltin bilan bezatilgan.
15 Naqshli libosida uni shoh huzuriga olib kelishadi,
Ortidan qizlar, uning dugonalari ergashib keladi.
16 Ular shod–xurramlik ichra keladi,
Shohning saroyiga ular kirib keladi.

17 Ey shohim, oʻgʻillaring olgaylar otalaring oʻrnini,
Butun yurtda shahzodalar qilgaysan sen ularni.
18 Qoʻshigʻim tufayli noming nasllar osha yashar,
Shu bois xalqlar seni to abad madh etarlar.