Rev 15 | UznUzbL | STEP | Men samoda buyuk va hayratga soladigan boshqa bir alomatni koʻrdim. Samoda yettita farishta turardi, har birining qoʻlida bittadan balo bor edi. Bu balolar soʻnggi balolar boʻlib, Xudo gʻazabini yakunlar edi.

‏ Revelation of John 15

Yetti farishta va yetti balo

1 Men samoda buyuk va hayratga soladigan boshqa bir alomatni koʻrdim. Samoda yettita farishta turardi, har birining qoʻlida bittadan balo bor edi. Bu balolar soʻnggi balolar boʻlib, Xudo gʻazabini yakunlar edi.

2 Men goʻyo olov aralash oynaday boʻlgan bir dengizni koʻrdim. Uning yonida odamlar turgan edi. Ular maxluq ustidan, uning tasviri va nomini bildirgan son ^{▼▼ nomini bildirgan son — 13:18 ga va oʻsha oyatning izohiga qarang.} ustidan gʻalaba qozongan edilar. Ularning qoʻllarida Xudo bergan arfalar bor edi. 3 Ular Xudo quli Musoning va Qoʻzining qoʻshigʻini ^{▼▼ Musoning va Qoʻzining qoʻshigʻini — bu qoʻshiq Chiqish 15:1-18 dagi qoʻshiqning ancha qisqargan varianti.} kuylardilar:

“Yo Qodir Xudo — Egamiz,
Buyuk va ajoyibdir Sening ishlaring.
Ey xalqlarning Shohi!
Toʻgʻri va haqdir Sening yoʻllaring.
4 Ey Egamiz, Sendan qoʻrqmaydigan bormi?!
Nomingni ulugʻlamaydigan bormi?!
Axir, yolgʻiz Oʻzing muqaddasdirsan.
Jamiki xalqlar huzuringga keladilar,
Ular Senga sajda qiladilar.
Zero, odil hukmlaring hammaga ayon boʻldi.”

5 Shundan soʻng men samoviy Maʼbadning Eng muqaddas xonasi ^{▼▼ Maʼbadning Eng muqaddas xonasi — Maʼbadning eng ichkari xonasi. Toʻliqroq maʼlumotga ega boʻlish uchun lugʻatdagi ENG MUQADDAS XONA iborasiga qarang.} ochilganini koʻrdim. 6 Maʼbaddan yetti baloni tutgan yettita farishta chiqdi. Ularning egnida toza, oppoq zigʻir liboslar bor edi, koʻksilariga oltin tasmalar bogʻlangan edi. 7 Toʻrtta mavjudotdan biri bu yetti farishtaga yettita oltin kosani berdi. Bu kosalar to abad barhayot Xudoning gʻazabi bilan toʻlgan edi. 8 Maʼbad Xudoning ulugʻvorligi va qudrati tutuniga toʻlib ketdi. Yetti farishtaning yetti balosi tamom boʻlmaguncha, hech kim Maʼbadga kira olmadi.