Zec 3 | UznUzbL | STEP | Keyin farishta menga Egamizning farishtasi oldida oliy ruhoniy Yoshua turganini koʻrsatdi. Yoshuaning oʻng tomonida esa shayton uni ayblab turgan edi.

‏ Zechariah 3

Toʻrtinchi vahiy: oliy ruhoniy va shayton

1 Keyin farishta menga Egamizning farishtasi oldida oliy ruhoniy Yoshua turganini koʻrsatdi. Yoshuaning oʻng tomonida esa shayton ^{▼▼ shayton — ibroniychadagi maʼnosi ayblovchi.} uni ayblab turgan edi. 2 Egamiz shaytonga shunday dedi:

— Ey shayton! Gaplaringning hammasi yolgʻon! Men Quddusni tanlagan Egangman. Men senga aytaman, gaplaring yolgʻon! Axir, bu kishi alangadan qutqarilgan bir oʻtin parchasiday emasmi?!

3 Yoshua farishtaning oldida kir kiyimlarda turar edi. 4 Farishta atrofida turganlarga ^{▼▼ atrofida turganlar — oʻsha yerdagi farishtalarga ishora boʻlsa kerak.}:

— Uning kir kiyimlarini yechinglar, — dedi. Yoshuaga esa:

— Mana, qara, Men sening gunohlaringni olib tashladim, — dedi. — Endi senga toza, bayramlarda kiyadigan yangi kiyimlarni kiydiraman.

5 Keyin men:

— Uning boshiga toza salla kiydiringlar, — dedim. Uning boshiga toza salla, ustiga esa yangi kiyim kiydirishdi. Egamizning farishtasi uning yonida turar edi.

6 Keyin Egamizning farishtasi Yoshuani ogohlantirib, shunday dedi:

7 — Sarvari Olam shunday aytmoqda: “Agar sen Mening yoʻlimdan yurib, talablarimni bajarsang, Mening uyimda, Maʼbadim hovlilarida bosh boʻlasan. Senga shu yerda turganlar orasidan joy beraman ^{▼▼ Senga shu yerda turganlar orasidan joy beraman — yaʼni oʻsha yerdagi farishtalarga oʻxshab, Yoshua ham Xudoga xizmat qilish va Xudoning huzuriga kirish sharafiga muyassar boʻlar edi.}. 8 Ey oliy ruhoniy Yoshua, quloq sol! Oldingda turgan ruhoniylar ham quloq solishsin. Sizlar kelajakda sodir boʻladigan voqealarning ramzisizlar. Men ismi «Novda» ^{▼▼ «Novda» — Dovud avlodidan kelib chiqadigan shohga, yaʼni Masihga nisbatan ishlatilgan unvon (Ishayo 11:1, Yeremiyo 23:5, 33:15 ga qarang). Toʻliqroq maʼlumotga ega boʻlish uchun lugʻatdagi MASIH soʻziga qarang.} boʻlgan xizmatkorimni zohir qilaman. 9 Men Yoshuaning oldiga bir tosh qoʻydim. Mening yetti koʻzim oʻsha toshga qadalgan. Bu toshning ustiga Men yozuv yozaman, — demoqda Sarvari Olam. — Mana shu yurtning gunohini bir kunda olib tashlayman. 10 Oʻsha kuni sizlar qoʻni–qoʻshnilaringizni chaqirib, oʻz uzumzorlaringizda va anjir daraxtlaringiz tagida oʻtirasizlar.” Sarvari Olamning kalomi shudir.