1Th 1 | XalIBTNT | STEP | Тесалоникид бәәх Бурхн Эцкин болн Деед Эзн Исус Христосин иткдг улст Павелас, Силас болн Тимофейәс. Цаһан сана, төвкнүн бәәдл таднд Бурхн өгтхә.

‏ 1 Thessalonians 1

1 Тесалоникид бәәх Бурхн Эцкин болн Деед Эзн Исус Христосин иткдг улст Павелас, Силас болн Тимофейәс. Цаһан сана, төвкнүн бәәдл таднд Бурхн өгтхә.

Тесалоникинхнә җирһл болн иткл

2 – 3 Бидн кезә чигн тана төлә Бурхнд ханлтан өргнәвидн, бас зальврнавидн. Яһад гихлә, Христост иткснә ашт яһҗ көдлсиг, дурлсна ашт яһҗ күч-көлсән өгсиг, Деед Эзн Исус Христост нәәлснә ашт яһҗ тессиг бидн Бурхна болн мана Эцкин өмн төрүц мартхшвидн. 4 Ахнр-дүүнр, Бурхн таднд дурлад, тадниг эврәннь улс болтха гиҗ шүүҗ авсиг бидн меднәвидн. 5 Сән Зәңгиг тархахларн, бидн йирдән үг олзлв чигн, Әрүн Сәкүснә күчиг таднд бас үзүлвидн. Бидн Сән Зәңгд гүүнәр иткҗәхән медүлвидн. Таднла хамдан бидн яһҗ бәәсиг эврән меднәт. Тернь тана төлә бәәлһн билә. 6 Тадн маднла әдл болн Деед Эзнлә әдл бәәдг дасвт. Зовлңта бәәсн бийнь тадн Сән Зәңгиг авад, Әрүн Сәкүснәс байрт күртвт. 7 Бурхнд иткдг Македонь болн Ахья һазрин улст үлгүр болҗанат. 8 Тиигәд таднас Деед Эзнә үг Македонь болн Ахья һазрин эргнд тарв. Тадниг Бурхнд иткснә туск зәңг бас эргндән соңсгдв. Маднд келдг үг уга, әмтн цугтаһинь меднә. 9 – 10 Мана ирлһиг тадн яһҗ тоссиг, һарар кесн кегдлмүдт мөргдгән уурад, әмд йосн Бурхнд заргдхар болн үклин хөөн әмдрүлсн Бурхна көвүг теңгрәс бууҗ ирхиг күләҗәхиг әмтн келҗ өгҗәцхәнә. Исус Христос мадниг өөрдҗ йовх зарһас тач авх.