Ephesians 1
Мендллһн
1Бурхна седвәрәр шүүҗ авсн Исус Христосин апостол Павелас Епест Христос Исусла ни-негн итклтә бәәх Бурхна улст. 2Мана Эцк Бурхн болн Деед Эзн Исус Христос цаһан сана, амулң бәәдл таднд өгтхә.Христосла мадниг ни-негн болснд Бурхн әдслв
3Бурхн болн мана Деед Эзн Исус Христосин Эцк магтгдх болтха. Мадниг Христосла ни-негн болсн учрас Бурхн маднд әдс өгхләрн цуг цаһан седклин әдсиг теңгрин орн-нутгт өгв. 4aТерүнә өмн әрүн, буру уга болтха гиһәд, делкә үүдтл мадниг Христосла ни-негн болсар Эврәннь улс кехәр шүүҗ авв. b- 5Бурхн Исус Христосар дамҗад Эврәннь дурна ашт көвүдән кеҗ авхар мадниг заяв. Эннь Бурхна таал болн зура. 6Мадниг хәәрлсн учрас бидн Бурхиг туурулхмн. Дурта Көвүһәрн дамҗулҗ Тер маднд хәәрлтән күртәв. 7Христосла ни-негн болад, бидн Терүнә цусар сулдххвидн. Терүнә элвг евәләр мана килнц тәвгдв. 8Бурхн маднд цуг цецн уха болн медлһ өгсәрн хәәрлт заяв. 9Эврәннь тааларн Бурхн маднд нуувчин зураһан медүлв. Энүг Тер Христосар дамҗад күцәхәр шиидв. 10Бурхн эн зураг кергтә цагтан күцәх. Эн зура иим: үүдәгдсн тоотыг цугтаһинь теңгрт бәәсиг болн һазр дееркиг ниилүләд Христосар толһалулх. 11Бурхн мадниг Христосла нииләд Түүнә улс болтха гиҗ заяһад шүүҗ авв. Тер тиигҗ кехәр өмнәснь шиидв, яһад гихлә, эннь Терүнә күсл болҗала. Бурхн цугтаһинь Эврәннь таалын шиидврлә ирлцүлҗ кенә. 12Бидн хамгин түрүнд Христост экләд нәәлсәрн Бурхна туурмҗиг магтх зөвтәвидн. 13Тадн бас үнн үгин болн аврлтын туск Сән Зәңг соңсхларн Бурхна улс болвт. Тадн Христост итквт, тиигәд Бурхн эзнә тамһ тадн деер тәвв. Тер өгх болсн Әрүн Сәкүс таднд өгв. 14Мана авх өвиг Әрүн Сәкүсн батлҗана. Энүнә ашар Бурхн Эврәннь улсиг кевтнь сулдххиг бидн лавта меднәвидн. Бурхна туурмҗд магтал өргтхә!Павелын зальврлһн
15Би таниг Исус Христост итксиг болн Бурхна цуг улст дурлсиг соңсснас авн тана төлә Бурхнд йөрәл өргхән мартхшв. 16a-b- 17Мана Деед Эзн Исус Христосин Бурхн, алдр Эцк, таднд Әрүн Сәкүс өгтхә гиҗ би зальврнав. Әрүн Сәкүсн таднд цецн уха зааһад, Бурхна тускар медүлх. Тиигәд тадн Бурхиг сәәнәр медхит. 18Ямаран нәәлврт Бурхн таниг дуудв? Бурхна улсин байн алдр өвнь юмб? Терүнә ямаран ик күчн мана дотр бәәнә? Тадн Бурхна герлиг үзәд, энүг медхин төлә би зальврҗанав. 19a-bМана, иткдг улсин дотр бәәх күчн, әвртә күчн болҗана. 20Эн күчәр Бурхн Христосиг үкснә хөөн әмдрүлв. Бурхн Терүг теңгрин орн-нутгт бийиннь барун талан суулһв. 21Христос цуг һардҗах, йос бәрҗәх, чидлтә болн нойлҗах сәкүсдәс өөдән бәәнә, цуг зүсн-зүүл нердәс болн цол нернәс, һанцхн эн җирһлд биш хөөтк җирһлд, өөдән йовхинь мөн. 22Бурхн Христост цугтаг һардх йос өгв, терүгәр цугтаннь толһач кев, хамгин түрүнд иткдг улсин толһач тәвв. 23Иткдг улс Христосин цогц-махмуд болҗана. Христос иткдг улсиг бүклднь дүүргҗәнә. Христос үүдәлтән төгсәҗәнә.
Copyright information for
XalIBTNT