Revelation of John 15
Бурхна сүүлңк долан аюлта элчнр
1Тиигхлә би теңгр деер талдан алдр онц темдг үзв. Тернь: Бурхна долан сүүлңк аюлта элчнр. Эднә хөөн Бурхна цухл чилв. 2Дәкәд би һалла хольсн шил теңгс үзв. То болсн нертә догшн аңгиг болн терүнә дүрстә шүтәг диилсн улсиг би бас үзв. Тедн Бурхна ятх бәрәд, теңгсин көвәд зогсҗаҗ. 3– Сүркә күчтә Бурхн! Тана кесн үүл ик алдр болн өврмҗтә! Келн-әмтн болһна хан. Тана хаалһ чик болн үнн! 4Таниг күндлдго, туурулдго күн бәәхий? Та һанцхн әрүн Бурхнд! Һазр деер бәәсн цуг келн әмтн ирәд Танд сөгдх. Яһад гихлә, Тана үнн чик керг-үүлмүдиг цуһар ил үзлә! – гиҗ тедн Бурхна зарц Мошен дуулсн дууг болн Хурһна дууг дуулҗ. 5Энүнә хөөн би хәләһәд, теңгрт секгдсн хамгин әрүн бәәриг үзв. Тер герчллһнә өргә дотр бәәҗ. 6Герчллһнә өргәһәс долан аюлта Бурхна долан элчнр һарч ирв. Тедн өрчән алтн бүсәр бүслсн гилвксн цаһан хувцта бәәҗ. 7Әмтә дөрвн юмна негнь Бурхна долан элчнр болһнднь мөңкиндән бәәдг Бурхна цухлар дүүрң долан алтн ааһ өгв. 8Герчллһнә өргә Бурхна туурмҗас болн күч-йоснас һарчах утаһар дүүрв. Бурхна долан элчнрин долан аюл эс дуустл күн хамгин әрүн бәәрн дотр орҗ чадсн уга.
Copyright information for
XalIBTNT