Mat 15:21-28 | YomNWM | STEP | Yesu bu kabotuka vana ; wuyenda mu bizunga bi Tile ayi bi Sidoni.

‏ Matthew 15:21-28

21 Yesu bu kabotuka vana ; wuyenda mu bizunga bi Tile ayi bi Sidoni.

22 Zimbukila nketo wumosi, muisi Kana, wuba vuandanga muna bizunga beni wuyiza ku kaba ayi wuyamikina :

—A Pfumu ! Muana Davidi, wumboni kiadi ! Pheve yimbimbi yilembo yamisa ngolo muanꞌama wu nketo.

23 Vayi Yesu kasi kumvutudila kadi diambu ko. Minlonguki mifikama va ndambu vaba Yesu ayi minleba :

—Wunkuka, bila wulembo yamikina ngolo ku manima meto.

24 Vayi niandi wuvutula :

—Minu nditumu kaka kuidi mamemi ma Iseli momo mazimbala !

25 Vayi nketo beni wuyiza fukama va ntualꞌandi ayi wunkamba :

—Pfumu, wutsadisa !

26 Buna wumvutudila :

—Disi fuana ko mu bonga dipha di bana ayi lozila diawu zimbua.

27 Nketo wunkamba :

—Nyinga Pfumu ! Vayi zimbua zieti dia bitsiedi-tsiedi biobi bieta bua ku tsi meza yi bapfumu bawu.

28 Buna Yesu wumvutudila :

—E e nketo, minu kiaku kidi kinneni ! Diawu bika buvangama boso butididi. Muna thangu yina kaka muanꞌandi wunketo wubeluka.