Mat 22:34-40 | YomNWM | STEP | Bafalisi, bu bawa ti Yesu kangisidi miunu mi Basaduki, bakutakana va kimosi.

Matthew 22:34-40

Muina wu lutidi

(Malako 12.28-34)

34 Bafalisi, bu bawa ti Yesu kangisidi miunu mi Basaduki, bakutakana va kimosi. 35 Buna wumosi mu bawu wuba nlongi wu mina, wuyiza kumfiela. Buna wunyuvula :

36 —A Nlongi ! A Muina mbi wulutidi mu Mina mioso e ?

37 Yesu wumvutudila :

—Zola Pfumu Nzambi aku mu ntimꞌaku woso, mu muelꞌaku woso ayi mu mayindu maku mamo. 38 Wowo muina wulutidi ayi wawu wutheti. 39 Wummuadi wudedikini banga wowo wutheti wawu wawu : Zola ndiaku banga bu weta kukizodila ngeyo veka. 40 Mina mioso ayi malongi ma mimbikudi madi mu Mina miami miodi.