Leviticus 17:10-14
10 “Israel-te ahikeh amaute laka teng pemtate, khatpeuh in sisan a nek leh tua mipa tungah ka maigum dinga ama mite panin ka khenkhia ding hi. 11Ahang in ganhing khat nuntakna a sisan a om hi a, biakna-tau tunga nomau tekin thoihdamna na bawl nading uh no tungah kong pia khin zo hi; mihing khat nuntak nadinga thoihdamna bawlna in sisan ahi hi. 12Tua ahi ciangin Israel-te tungah, “Note khat beek in sisan na ne thei kei ding uh hi; note laka teng pemtate in zong sisan a ne kei ding uh hi. 13 “‘Israel-te khatpeuh ahikeh no laka teng pemtate khatpeuh nek theih ding gamsa ahikeh vasa a bengte in a sisan khitkhia-in lei a vuk ding uh hi; 14bang hang hiam cih leh ganhing nuntakna peuhmah a sisan ahi hi. Tua ahi manin Israel-te tungah “Ganhing khatpeuh sisan na ne peuhmah kei ding uh hi, bang hang hiam cih leh ganhing nuntakna a sisan ahi hi; tua a nete peuhmah pel loin kikhenkhia ding hi,” ka ci hi. a
Copyright information for
ZomZIV