1Ki 21:9-13 | ZomZIV | STEP | Tua laikhak sungah: “Antan ni ding khat zasak unla mite lak a thupina munah Naboth tusak un.

1 Kings 21:9-13

9 Tua laikhak sungah:

“Antan ni ding khat zasak unla mite lak a thupina munah Naboth tusak un. 10 Ahi hangin amah tawh kigalsai-in mibang lo nih tusak unla amah in Pasian le kumpipa hamsiat hi cih teci pangsak un. Tua ciangin paikhiatpih unla suangin denglum un,” ci-in a gelh hi. ^a

11 Tua ciangin Naboth’ khuapi a teng upate le uliante in Jezebel in amaute lai a khakna sunga a gelhsa bangin a hih uh hi. 12 Amaute in antan ding zasak uh a, mite lak a thupina munah Naboth a tusak uh hi. 13 Tua ciangin mibang lo nih hong pai uh a, amah tawh kigalsai in a tu uh hi; mite mai-ah Naboth mawhsak uh a, “Naboth in Pasian le kumpipa hamsiat hi,” a ci uh hi. Tua ciangin amah khuanawl ah paikhiatpih in suangin a denglum uh hi.