2Ch 33:21-25 | ZomZIV | STEP | Amon kumpi a suahin kum sawmnih le nih pha a, Jerusalem ah kum nih sung a uk hi.

‏ 2 Chronicles 33:21-25

Judah Kumpi Amon

21 Amon kumpi a suahin kum sawmnih le nih pha a, Jerusalem ah kum nih sung a uk hi. 22 A pa Manasseh sepsa bangin TOPA muhna ah a sia in a gamta hi. Amon in Manasseh bawlsa milim khempeuh bia in tuate tungah biakna a pia hi. 23 Ahi hangin a pa bangin TOPA mai-ah kiniamkhiat lo a, Amon in a khialhna a khangsak hi.

24 Amon uliante in amah sawmsim uh a, a kumpi inn sungah a suam uh hi. 25 Tua ciangin gammite in Kumpi Amon langa a sawmsim khempeuh that uh a, ama munah a tapa Josiah kumpi in a koih uh hi.