Deuteronomy 29:24-28
24Minam khempeuh in, “Bang hangin TOPA in hih gam hici bawl ahi hiam? Bang hangin hici lawmlawma heh ahi hiam?” ci-in a dong ding uh hi. a 25 A dawnna pen, “Hih mite in TOPA, a pate uh Pasian thukhun, amaute Egypt pan a paikhiatpih lai-a, amaute tawh a bawl thukhun a nusiat hang uh ahi hi. 26Amaute paikhia uh a, a theih loh uh pasiante, amaute a piak loh pasiante bia in tuate mai-ah kun uh hi. 27Tua ahi ciangin hih gam tungah TOPA hehna kuanga, amah in hih laibu sunga hamsiatna khempeuh a tungah a tunsak ahi hi. 28A hehluatna le a thangpaihna lianpi tawh TOPA in amau gam panin amaute bulkalh a, tu-a a om bangun amaute gamdangah a nawhgawp ahi hi,” kici ding hi. b
Copyright information for
ZomZIV