Eph 1:19-23 | ZomZIV | STEP | a um mi eite adinga tehpih bei ama vangliatna thupi na theih nadingun na lungsim mitte uh a kivaksak nadingin zong thu ka ngen hi.

Ephesians 1:19-23

19 a um mi eite adinga tehpih bei ama vangliatna thupi na theih nadingun na lungsim mitte uh a kivaksak nadingin zong thu ka ngen hi. 20 Misi pan amah a thawhkiksak lai-a vanlam gamah a taklam-a a tutsak lai-a 21 ukna le thuneihna, vangliatna le gam-ukna khempeuh, tu khanghun bek hilo hong tung ding khanghun ah zong a kipia thei za khempeuh tungpek ah Christ a, a zatsa thahatna mah ahi hi. 22 Pasian in na khempeuh ama khepek nuai ah koih a, pawlpi adingin amah na khempeuh tungah lutang in seh khinin, 23 tua pawlpi pen ama pumpi hi-a, na khempeuh, lam khempeuh-a, a cingsakpa’ kicinna ahi hi. ^a