Exo 14:5-9 | ZomZIV | STEP | Mipite a taimangna thu Egypt kumpipa tungah a kigen ciangin Pharaoh le a uliante in amau vai-ah a ngaihsutna uh khel-a, “I hihsa bang himawk hiam? Israel-te pai ding i phal-a, amaute nasep i taan hi!” a ci uh hi.

Exodus 14:5-9

5 Mipite a taimangna thu Egypt kumpipa tungah a kigen ciangin Pharaoh le a uliante in amau vai-ah a ngaihsutna uh khel-a, “I hihsa bang himawk hiam? Israel-te pai ding i phal-a, amaute nasep i taan hi!” a ci uh hi. 6 Tua ciangin sakollengte kithawisak a, a galkapte a kuanpih hi. 7 Amah in a sakolleng a hoih pente zaguk, Egypt sakolleng dangte khempeuh tawh kengin, tuate khempeuh tungah uliante tuangin a kuanpih hi. 8 TOPA in Egypt kumpipa Pharaoh lungtang khauhsak-a, hangtaka mainawt Israel-te a delh hi. 9 Egypt mite - Pharaoh’ sakolte le sakol-lengte, sakoltuangte ^{▼▼14.9 Ahikeh sakol galkapte tg. 17, 18, 23, 26 le 28 ah zong} le galkapte in Israel-te delh uh a Baal Zephon gal, Pi Hahiroth kiang tuipi gei-a, a giah laitakun a pha uh hi.