Gen 19:1-28 | ZomZIV | STEP | Nitak ciangin vansawltak nihte Sodom ah tung uh a, khuapi kongpi ah Lot a na tu hi. Amah in amaute a muh ciangin diangkhia in va dawna, a maitang leilam ngatin a kunsuk hi.

‏ Genesis 19:1-28

Sodom le Gomorrah Kisusia

1 Nitak ciangin vansawltak nihte Sodom ah tung uh a, khuapi kongpi ah Lot a na tu hi. Amah in amaute a muh ciangin diangkhia in va dawna, a maitang leilam ngatin a kunsuk hi. 2 Amah in, “Ka tote aw, na nasempa inn lamah hong kihei un. Na khete uh silin zantam unla, zingtungin na khualzinna ban uh zom un,” ci hi. ^a

Amaute in, “Hi lo hi, khualai tual-awngah ka giak ding uh hi,” ci-in dawng uh hi.

3 Ahi hangin amah in nakpi-takin ci teitei ahi manin amah zui uh a, a innah lut uh hi. Amah in a an dingun silngo sawh loh anlum emsaka, a ne uh hi. 4 Amaute a lup ma-un, Sodom khuapi mun khempeuh panin - a khangmoi a khanghamin - pasal khempeuh in tua inn um uh hi. 5 Amaute in Lot samin, “Tu zana zin hong tungte koi-ah om uh hiam? Ka luppih dingun hong pusuaksak in,” ci uh hi. ^b

6 Amaute tawh kimu dingin Lot paikhia a kong lehkhakin, 7 “Lawmte aw, hi kei. Hih kheltatna na sem kei un. 8 En un pasal in a luppih ngei nai loh tanu nih ka nei hi. Hong paikhiasak ningin amaute na ut bangbangun bawl un. Ahi hangin hih mite ka inn sungah kei hut dinga omsa ahi manin bangmah cih kei un,” a ci hi. ^c

9 Amaute in, “Hong nawngkaisak kei in,” ci-in a dawng uh hi. Tua ciangin amaute in, “Hih mipa hih lai-ah pemta hi a, tu-in thukhen hong sem ahi hi; Amaute sangin nang kong khelbawl zaw ding uh hi.” a ci uh hi. Amaute in Lot phu tantan in, mailam neh in kongkhak a nehkham dekdek uh hi. ^d

10 Ahi hangin a sunga mite in a khut uh zankhia in inn sungah Lot kai uh a, kong a khak uh hi. 11 Tua ciangin amaute in, inn kongkhak-a omte a khangno a khanghamin kongkhak a muh theih loh nadingun a mit uh a tawsak uh hi. ^e

12 Mi nihte in Lot kiangah, “Hih lai-ah midang khatpeuh - makte tanu tapate ahikeh nang tawh kisai mi khatpeuh hih khuapi sungah na nei hiam? Hih lai pan paikhiatpih in, 13 bang hang hiam cih leh hih mun ka susia ding uh hi. TOPA tungah hih muna mite mawhna lian lua ahi manin tua mun susia dingin amah in ko hong sawl hi,” ci uh hi.

14 Tua ciangin Lot paikhia-a, a tanute a tenpih ^{▼▼19.14 Ahikeh a tenpihsa} dinga a dongsa a mak dingte a va hopih hi. Amah in, “Manlangtakin hih mun pan paikhia un, bang hang hiam cih leh TOPA in i khuapi susia dekta hi!” a ci hi. Ahi hangin a mak dingte in a ciamnui-in a ngaihsun uh hi. ^g

15 Khuavak ciangin vansawltakte in Lot kiangah, “Manlang un! Hih lai-a om na zi le na tanute gel na taipih kei leh khuapi dan a kipiak ciangin no tawh hong kisiaksiang khawm ding hi,” ci-in sawl tentan uh hi. ^h

16 Amah zia-ol a, tua ciangin TOPA in amaute lainat ahi manin tua mite in amah le a zi le a tanute bantangkaih uh a, khuapi pua-ah bittakin a koihkhia uh hi. 17 Amaute khuapi pua-ah a koih khit phetun amaute khat in, “Na nuntak nadingun tai un. Nunghei kei unla zanglei mun khat beekah khawl kei un! Mual tungah tai un, tua hi kei leh note hong kiphiatmang kha ding hi!” ci hi. ⁱ

18 Ahi hangin Lot in amaute kiangah, “Hi lo hi, tote ^{▼▼19.18 Ahikeh hi kei ahikeh hi kei topa} aw hong hehpih un! 19 Na ^{▼▼19.19 Hebrew ah khat genna} nasempa un note angvanna ngah a na ^{▼▼19.19 Hebrew ah khat genna} migitna lianpi uh tawh ka nuntakna nong ^{▼▼19.19 Hebrew ah khat genna} hawisak zo uh hi. Ahi hangin mualte tungah ka tai zo kei ding hi; hih siatna in hong lapin ka si ding hi. 20 Hua khuapi en dih un; tai nading khopin nai a, khuapi neu khat ahi hi. Tua lai-ah kei hong taisak un - neu mahmah lel hi lo hiam? Tua hileh ka nungta ding hi,” ci hi.

21 Amah in a kiangah, “Hoih mahmah hi, hih ngetna zong ka pia ding hi. Na gen khuapi ka lumlet kei ding hi. 22 Ahi hangin manlangin tua lai-ah tai in, bang hang hiam cih leh tua lai na tun mateng bangmah ka hih thei kei ding hi,” a ci hi. (Tua thu hangin tua khua Zoar ^{▼▼19.22 Zoar pen neu cihna} kici hi.) ^o

23 Zoar ah Lot a tunin tua gam ah ni suak khin ta hi. 24 Tua ciangin TOPA in Sodom le Gomorrah tungah kaatkuang zusak hi - vante pualam TOPA kiang pan ahi hi. 25 Amah in tua bang khuapite le a kima zangleite khuapi sunga a tengte khempeuh le - leitanga po ankung khempeuh a lawnthal hi. 26 Ahi hangin Lot zi in nung-et a ci khuampi a suak hi.

27 A zingciang zingtung in Abraham tho a, TOPA mai-a a dinna munah a va pai kik hi. 28 Amah in Sodom le Gomorrah le zanglei mun teng ensuk-a, pummeikhuk pan-a khu bangin lei pana meikhu sahpi khu to a mu hi. ^p