Gen 6:1-4 | ZomZIV | STEP | Lei tungah mite khangin tampi a phak uh ciangin amaute in tanute nei uh a,

Genesis 6:1-4

Tuiciin

1 Lei tungah mite khangin tampi a phak uh ciangin amaute in tanute nei uh a, 2 Pasian’ tapate in mihingte tanute melhoihsa in, amaute a deih peuhpeuh uh telin tenpih uh hi. 3 Tua khit ciangin TOPA in, “Ka kha le mihing a kibuan ^{▼▼6.3 Ahikeh ka kha a sungah a om kei ding hi.} niloh thei kei ding hi; ahang in, amah a sithei hi a, ^{▼▼6.3 Ahikeh buaisak} ama nite kum za le sawmnih hi ding hi,” ci hi.

4 Tua hun lai-in lei tungah Nephilim-te om uh a - tua khitin zong om uh hi - Pasian’ tapate mihingte’ tanute kiangah pai uh-a amaute tawh ta nei uh hi. Amaute khanglui lai-a mi thahat minthangte ahi uh hi.