Isa 19:11-16 | ZomZIV | STEP | Zion uliante bangmah man loin hai uh a, Pharaoh thulak mipilte in a kimanna om lo thu a lak uh hi. Bangci in Pharoah tungah, “Kei mipil khat ka hi a, tanglai kumpite nungzui khat ka hi hi,” ci thei na hi hiam?

Isaiah 19:11-16

11 Zion uliante bangmah man loin hai uh a,
Pharaoh thulak mipilte in a kimanna om lo thu a lak uh hi. ^a
Bangci in Pharoah tungah,
“Kei mipil khat ka hi a,
tanglai kumpite nungzui khat ka hi hi,” ci thei na hi hiam?
12 Tu-in na mipilte koi-ah om uh hiam? ^b
Thahatpen TOPA in
Egypt tunga a tunsak dinga
a ngimna kilaksak dih in.
13 Zoan uliante mihai suakta uh hi.
Memphis ^{▼▼19.13 Hebrew in Noph} makaite kikhem hi; ^d
Egypt innkiu suangte in
a mite uh lam khialhpih khin uh hi.
14 TOPA in amaute tungah lung-apna kha buak a; ^e
zukhampa a luak lakah a hoi daidai bangin
amaute in a sepnasa khempeuh ah
Egypt a hoisak daidai uh hi.
15 Egypt in a lu ahikeh a mei, nisuh hiang ahikeh pumpeng -
bangmah a cih thei kei hi. ^f

16 Tua ni ciangin Egypt mite numei tawh a kibang ding uh hi. Thahatpen TOPA in amaute langah a khut viikin a laptohna hangin lau-in a ling ding uh hi.