Isa 34:11-15 | ZomZIV | STEP | Sehnel-gam simbu le simbupi te in a tang ding uh hi. Simbu liante le va-akte in tua lai-ah bu a tom ding uh hi. Pasian in Edom tungah a siatna khausai le a hawmsuakna saval a khaisuk ding hi.

Isaiah 34:11-15

11 Sehnel-gam simbu ^{▼▼34.11 Hih vasate a cihnopna lian kician lo hi.} le simbupi ^{▼▼34.11 Hih vasate a cihnopna lian kician lo hi.} te in a tang ding uh hi.
Simbu liante ^{▼▼34.11 Hih vasate a cihnopna lian kician lo hi.} le va-akte in
tua lai-ah bu a tom ding uh hi.
Pasian in Edom tungah a siatna khausai le
a hawmsuakna saval a khaisuk ding hi. ^d
12 Kumpi gam a kicih theih nadingin a uliante in bangmah nei lo ding uh a,
a kumpi tapate uh a mangthang khin ding hi. ^e
13 Amualbote thangling in tuum dinga
a kulh muanhuaite lakhai le lingvom in a tuum ding hi. ^f
Tua mun, ngiate anzonna mun suak dinga,
simbute’ bu suak ding hi. ^g
14 Sehnel gam ganhingte le ngiate kisutuahin
sathakte khat le khat a kizawn ding uh hi; ^h
tua lai-ah zana gamta ganhingte zong giak ding uh a, ⁱ
a khawlmun ding uh a zong ding uh hi.
15 Simbupi in bu tomin tui dinga,
keuhsakin a note a kha liim nuai-ah a kem ding hi.
Musite zong tua lai-ah
a nupa kopin a omkhawm ding uh hi. ^j