Isa 49:20-26 | ZomZIV | STEP | Note dah le kah hun sunga na neih uh na tate un na zakzakun, ‘Hih mun ko adingin neu lua; ka ten nading uh mundang hong piakbeh in’ kici lai ding uh hi.

‏ Isaiah 49:20-26

20 Note dah le kah hun sunga na neih uh
na tate un na zakzakun,
‘Hih mun ko adingin neu lua;
ka ten nading uh mundang hong piakbeh in’ kici lai ding uh hi. ^a
21 Tua ciangin na lungsimin,
‘Hihte kua hong neihsak hiam?
Kei taselin ka tangkhat a,
hong kinolhin sal ka suak hi.
Hihte a khansuah kua ahi hiam?
Kei guak hong kinusia den a, ^b
ahi zongin hihte - amaute koi pan hong pai uh ahi hiam?’ na ci ding uh hi,” a ci hi.

22 Thupipen TOPA gen hih ahi hi: ^c

“En un, Gentile-te ka khut ka van dinga,
mite lamah ka dialkhai ka laamto ding hi; ^d
amaute in na tapate tawi-in ^e
na tanute liangko mualsuanin hong puak ding uh hi. ^f
23 Kumpite, nang hong don na pate suak ding uh a, ^g
amaute zite nang hong cing na nute a suak ding uh hi. ^h
A maitangun lei si-in na mai-ah kun ding uh a;
na khe-a leivuite a liak ding uh hi. ⁱ
Tua ciangin keimah TOPA ka hilam na thei ding uh hi. ^j
Kei sungah lametna a neite a zahlak kei ding hi,” a ci hi.
24 Galhangpa tung panin kua in sutkhia thei dinga, ^k
a lungngolpa ^{▼▼49.24 Si Tuipi Laizialte, Vulgate le Syriac (Septuagint tg.25 zong en in); Masoretic Bupi ah thumaante} tung panin kua in galmatte hukhia zo ding ahi hiam?

25 Ahi hangin TOPA gen hih ahi hi:

“Galhangpa tung panin galmatte kilakhia dinga, ^m
a lungngolpa tung panin kisutkhia taktak ding hi;
nang hong langbawlte ka langbawl dinga,
na tate ka honkhia ding hi.
26 Nang hong nengniamte amaute sa amau mah ka nesak dinga, ⁿ
amau sisan zukham bangin ka khamsak ding hi. ^o
Tua ciangin mihing peuhmah in
keimah, TOPA, note Honpa, ^p
note Tanpa, Jacob Thahat Pa ka hilam hong thei ding uh hi,” a ci hi. ^q