Isa 56:3-7 | ZomZIV | STEP | Ama thu-a TOPA a pawl gamdang mipa in, “ TOPA in a mite panin kei hong khenkhia taktak ding hi,” ci kei hen. Tuateh cilgeh khatpeuh in, “Kei singkungkeu hi lel ing,” ci-in phun kei hen.

hMt 21:13*; Mk 11:17*

Isaiah 56:3-7

3 Ama thu-a TOPA a pawl gamdang mipa in, ^a
“TOPA in a mite panin kei hong khenkhia taktak ding hi,” ci kei hen. ^b
Tuateh cilgeh khatpeuh in, ^c
“Kei singkungkeu hi lel ing,” ci-in phun kei hen.

4 Ahang in, TOPA gen hih ahi hi:

“Ka Sabbath tangin
ka lungkimna tel a,
ka thukhun a kiplet cilgehte - ^d
5 amaute tungah ka biakinnpi sung le a kawmte tungah
tanute le tapate sanga a hoihzaw
phawkdenna le minte ka pia ding hi.
Amaute tungah a mang nawn lo ding
a kip tawntung min ka pia ding hi.
6 Tua ciangin ama nasem ding, TOPA min a it ding,
amah a bia ding,
Sabbath tangin a siasak lo ding,
ka thukhun a kiplet,
TOPA pawlin
a beel gamdang mite - ^e
7 tuate ka mualsiangtho ah ka paipih dinga, ^f
ka thungetna inn sungah ka lungnuamsak ding hi.
Ka inn minam khempeuh thungetna inn
a kicih nadingin,
amaute meihal biakna le a biakpiaknate uh ^g
ka biakna-tau tungah a kisang ding hi,” a ci hi. ^h