Jer 25:15-38 | ZomZIV | STEP | TOPA Israel Pasian in kei tungah hong gen hih ahi hi: “Ka thangpaihna zu a dim hih hai ka khut panin la inla kong sawlna minam khempeuh dawnsak in.

Jeremiah 25:15-38

Pasian’ Thangpaihna Hai

15 TOPA Israel Pasian in kei tungah hong gen hih ahi hi: “Ka thangpaihna zu a dim hih hai ka khut panin la inla kong sawlna minam khempeuh dawnsak in. 16 A dawn uh ciangin amau tungah ka sawl ding namsau hangin hoi duaiduai-in a hai ding uh hi.” hong ci hi.

17 Tua ciangin TOPA khut panin hai ka la a, ama hong sawlna minamte; 18 Jerusalem le Judah khuapite, a kumpite le a uliante kisia-in tuni dong simmawh linhah le hamsiatna a suak uh hi; 19 Egypt kumpipa Pharaoh, a nasemte, a uliante le a mite khempeuh, 20 le tua lai-a gamdang mi khempeuh; Uz kumpite khempeuh, Philistia kumpite khempeuh (Ashkelon, Gaza, Ekron khua-ate, le Ashdod a kinusia mite); 21 Edom Moab le Ammon; 22 Tyre le Sidon kumpite khempeuh; tuipi dunga kumpite; 23 Dedan, Tema, Buz le a gamla munate khempeuh; ^{▼▼25.23 Ahikeh taltanga samtumte} 24 Arabia kumpite khempeuh le sehnel-gama teng gamdangte’ kumpite khempeuh; 25 Zimri, Elam le Media kumpite khempeuh 26 le a nai a gamla-a om leilu-lam kumpite khempeuh - lei mai tanga kumpi gamte khempeuh khat khit khat ka dawnsak hi. Amaute khempeuh khit ciangin Sheshach ^{▼▼25.26 Sheshach pen Babylon a dingin biakinn nuai han ahi hi.} kumpipa in zong a dawn hi. ^c

27 Tua ciangin amaute tungah, “Israel Pasian Thahatpen TOPA thugen hih ahi hi: Note laka kong khah ding namsau hangin dawn-in, kham unla lua-in tuk unla tho kik zo nawn kei un, ci hi’ ci-in gen in. 28 Ahi hangin amaute in na khuta hai hong sang nuam loin a dawn nop kei uh leh, ‘Thahatpen TOPA gen hih ahi hi: Na dawn pelmawh uh kul hi! 29 En in, ka mina kilo khuapi tungah gimna ka tungsak ta hi, dan thuak loin om ding na hi uh hiam? Leitunga tengte khempeuh tunga tung dingin namsau sam ka hi manin dan thuak loin na om kei ding uh hi.’ Thahatpen TOPA in ci hi.

30 “Tu-in amaute tungah hih thugen kholhna khempeuh gen in:

“‘A sangna mun panin TOPA hawkin; ^d
a tenna mun siangtho panin kektang khiat dinga ^e
nakpitakin a gam a hawksan ding hi.
Amah lenggah cilte bangin awng dinga,
leitunga teng khempeuh a otsan ding hi.
31 Minamte langah TOPA pang ahi manin ^f
ama awging in leimongte dong a thawn hi;
amah in mihing khempeuh tungah thu khen dinga ^g
migilote namsau a thuaksak ding hi,’ ci in,” ^h

TOPA in a ci hi.

32 Hih in Thahatpen TOPA gen ahi hi:

“En un! Minam khat pan minam khat tungah
siatna kizel ta hi; ⁱ
Leimongte panin
huihpi khauh in nuaigawp ta hi,” ^j

33 Tua hun ciangin TOPA thahte leimong khat pan mong khat - mun khempeuh ah a om ding hi. Amaute kikah loin kikaikhawm lo dinga a kivui kei ding hi; leitungah a ki-ek nusiat ding hi.

34 No tuucingte aw, kap unla tau un;
no tuuhon mapite aw, leivui lakah kikhuk un. ^k
Ahang in, note hong kigawt ding hun tungta hi;
note pukin bel hoih kimlai a kitamzan na bang ding uh hi. ^l
35 Tuucingte tai nading mun khat beek om lo dinga, ^m
tuuhon mapite a suahtak nading mun a om kei ding hi.
36 Amaute lonona mun
TOPA in susia ahi manin
tuucingte kahna le tuuhon mapite thumna za un.
37 TOPA hehluatna hangin
a nopci lonona pawnte kisiacip ding hi.
38 A nengniampa namsau ^{▼▼25.38 Hebrew khutgelh pawlkhat le Septuagint (Jer. 46:16 le 50 :16 zong en in) Hebrew khempeuh ah hehna} le ^o
TOPA hehluatna hangin ^p
humpi in a kua a nusiat bangin amah in nusia dinga, ^q
a gam uh gam simtham a suak ding hi. ^r