Job 27:13-23

13 “Hih lai-ah Pasian in migilote a piaktuam,
a ngongtatte in Thahatpenpa tung pana a luah uh a om hi. ^a
14 A tate tam taleh amau lawhtak namsau ahi hi;
a suan a khakte in an khamkhop a nei kei ding uh hi. ^b
15 A nungtasunte pulpi-in kivui dinga,
a meigongte un a kah kei ding uh hi. ^c
16 Amah in ngunte leivui bangin a khol venvan a, ^d
buan bangin puansilh a cian venvan hangin ^e
17 a khol venvan teng thumaante in silh ding uh a, ^f
mawhpengte in ama ngunte a hawm ding uh hi. ^g
18 A inn lamte lungbu bangin, ^h
bukkhel tawh kibang lel ding hi. ⁱ
19 Amah a hausa-in luma a ban a zom nawn kei hi; ^j
a mit hak kik a, na bei khinta hi. ^k
20 Tuikhang bangin launa in amah tuamcip a, ^l
zanin huihpi in a mutmang hi. ^m
21 Nisuahna huih in amah puakhia a, a beimang hi;
a omna mun panin phiatkhiamang hi. ⁿ
22 A vangliatna pan luhumsa in a tai kawmkawm mah ^o
lainat loin amah munkhat a denna ding hi. ^p
23 Tua in khut betsan in zahnuihsan dinga,
a omna mun pan a mutkhia ding hi. ^q