Job 28:7-19

7 Vasa ahikeh sasialnete in tua kawmbu zawi thei lo uh a,
simbung in zong tua mun a mu nai kei hi.
8 Gamsa kisatheite in sikkha nai lo uh a, ^a
humpinelkai zong a thamvak kha nai kei hi.
9 Mihing khutin meisah suangte to-a, ^b
mualpi bulte a tomang hi. ^c
10 Amah in suangtumpi tovang a;
a mitin goute khempeuh a mu hi.
11 Gun nakte zong ^{▼▼28.11 Septuagint Aquila le Vulgate; Hebrew ah Ama kholsa} kawikawi a, ^e
a kisel nate a lakhia hi. ^f
12 “Ahi hangin pilna koi lai-ah kimu ding ahi hiam, ^g
theihtelna koi lai-ah teng ahi hiam?
13 Mihing in a manphatna sehkhia zo lo a; ^h
nuntakna neite gamah a kimu thei kei hi. ⁱ
14 Tui thukna in, ‘Kei tawh om kei’ ci a; ^j
tuipi in, ‘ko tawh om lo hi’ ci hi. ^k
15 Kham hoih penpenin kilei thei lo a,
ngunin zong a man ding kiteh thei lo hi. ^l
16 Ophir khamin kilei thei lo a, ^m
a manpha onyx ahikeh sapphire in zong a kilei thei kei hi. ⁿ
17 Kham ahi a crystal tawh ahi zongin kitehkak thei lo a, ^o
kham tawh kibawl suang manpha in zong a kikhek thei kei hi.
18 Coral le jasper bel gen tham vet lo hi; ^p
pilna man ahileh ruby-te sangin manpha zaw tham hi. ^q
19 Cush pana topaz tawh tehkak theih hi lo a, ^r
kham citak in zong a kilei thei kei hi. ^s