Lev 5:15-18 | ZomZIV | STEP | “ TOPA na asiangtho khatpeuh tawh kisai-in mi khat in sawmkhol lopi-in ngongtatin mawhna a hih khak ciangin amah dan piakna-in tuuhon panin tuutal khat, mun siangtho shekel tawh kizui-in nguntanga a man kiseh a sitbang lo khat TOPA kiangah a paipih ding hi. Tua pen khialhna hanga biakna ahi hi.

Leviticus 5:15-18

15 “TOPA na asiangtho khatpeuh tawh kisai-in mi khat in sawmkhol lopi-in ngongtatin mawhna a hih khak ciangin amah dan piakna-in tuuhon panin tuutal khat, mun siangtho shekel ^{▼▼5.15 Tua in ounce 2/5 (gram 11.5 bang)} tawh kizui-in nguntanga a man kiseh a sitbang lo khat TOPA kiangah a paipih ding hi. Tua pen khialhna hanga biakna ahi hi. 16 Amah in a siangtho nate tawh kisai a hih khialhte ditkikna bawl pelmawh dinga a kiseh zah sehnga suah sehkhat gawm behin siampipa tungah a vekin pia khin dinga amah in khialhna hanga biakna bangin tuutal-in thoihdamna bawlsak dinga tua ciangin amah kimaisak ding hi. ^b

17 “Mi khat in, TOPA thupiakte lak panin a kham khat peuh semin a mawh leh amah in a thei kha kei zongin akhial hi a, amah in tua mawhna a khu hi. 18 Amah in tuuhon panin aman dinga kiseh zah aman, a sitbaang lo tuutal khat khialhna hanga biakna-in siampipa tungah a paipih ding hi. Hici bangin sawmkhol lo-a, a hih khaksa khialhna tangin siampipa in ama adingin thoihdamna bawlsak dinga, tua ciangin amah kimaisak ding hi.