Luke 24:13-32
Emmaus Zuatna Lampi-ah
13 Tua ni mah in amaute lakah nih, Jerusalem panin tai sagih ▼▼24.13 Greek ah stadia sawm guk (kilometre 11 bang)
bang a gamlatna Emmaus kici khua neu ah a pai uh hi. 14Amaute gel in tua thupiangsa khempeuh a kikum uh hi. 15Hih thute kikumin a paupau laitakun Jesu mahmah paito in amaute tawh a tonkhawm hi. 16Ahi hangin amaute lakah amah a kitheisak kei hi. b 17 Amah in amaute kiangah, “Na pai kawmkawmun bang kikum na hi ua?” ci-in a dong hi. Amaute mai mialin a dinkhawl uh hi. 18Amaute khat Cleopas min nei pen in, “Jerusalem a hawhte lakah tua lai-a tusawng tenga thupiangte a thei lo nang bek hi niteh maw?” a ci hi. 19 Amah in, “Bang piang a hia?” ci-in a dong hi. Amaute in, “Nazareth mi Jesu thu ahi hi. Amah kamsang khat hi-a Pasian mai le mi khempeuh mai-a, a pauna le a tatnate ah vang a nei hi. 20I siampi makaite le ukpate in amah a si dingin thu khen uh a, kilhlum uh hi; 21ahi hangin kote in Israel-te tankhia ding pa amah hi dinga ka lamet uh ahi hi. Tua tham loin hih thu a pian zawh a ni thumna hi ta hi. 22Tua banah ka numeite uh pawlkhat in lamdang hong sasak mahmah uh hi. Tuni zingsang tungin amaute hanah va hawh uh a, 23ahi hangin ama luang a mu kei uh hi. Amaute hong ciah kik uh a, amah nungta hi, ci-a amau tunga gen van sawltakte a muhna thu hong gen uh hi. 24Tua ciangin ka pawlte uh kimkhat han ah va pai uh a, numeite gen bang tektek in mu uh hi; amah va mu lo takpi uh hi,” ci-in a dawng kik uh hi. c 25 Amah in amaute kiangah, “Hai na lawmlawm uh cia! Kamsangte gen sate khempeuh uphak sa si uh cia! 26Christ ▼▼24.26 Ahikeh Messiah; tg. 46 ah zong
in hihte khempeuh a thuak masak kul phot-a, tua khit ciangin ama minthanna sunga lut pan ding hi lo ahi hiam?” a ci hi. 27Tua ciangin Moses a kipan Kamsangte khempeuh in amah tawh kisai-in Laisiangtho sunga a gensa khempeuh amah in amaute tungah a hilhcian hi. e 28 Amaute a pai nading uh tua khuaneu a zuat laitakun Jesu a paisuak lai ding bangin a kineih hi. 29Ahi hangin amaute in, “Ni kai lua ta-a, ni tum phial ta ahi ciangin ko kiangah hong tam in,” ci-in amah a kun uh hi. Tua ahi ciangin amah pai-in amaute kiangah a tam hi. 30 Amah in amaute tawh ankuang a um khawm ciangin, anlum la-a, lungdam ko-in, balkham a, amaute a pia hi. 31Tua ciangin amaute a mit uh kihonga amah a theician uh hi; tua ciangin amau muhna panin amah a mang hi. 32Amaute in, “Amah tawh lampi ah tonkhawmin, kiho-a, Laisiangtho hong hilh laitakin i lung hong lawng hi lo ahi hiam?” ci-in khat le khat a kidong uh hi. f
Copyright information for
ZomZIV