Mar 6:32-44 | ZomZIV | STEP | Tua ciangin amau guak gamtawng khatah gunkuang khatin a pai uh hi.

Mark 6:32-44

32 Tua ciangin amau guak gamtawng khatah gunkuang khatin a pai uh hi. 33 Ahi hangin amaute paikhiat a mute in thei uh a, khua khempeuh panin khe-in tai uh a, amaute tun ma-in a na tung uh hi. 34 Jesu lei-ah a tun ciangin mihonpi tampi a mu hi. Amah in amaute khuatuah hi, bang hang hiam cih leh amaute a cingpa om lo tuuhon tawh kibang uh hi. Tua ciangin amaute thu tampi a hilh hi. ^a

35 Tua hunlaitak nitak lam ahi hi. Tua ciangin a nungzuite a kiangah va pai uh a amaute in, “Hih tak gamtawng hi-a khuanung lua mahmah ta hi. 36 Hih kima khuata khuaneute ah pai-in a nek ding uh an a lei theih nadingun mipite ciahsak ta in,” a ci uh hi. ^b

37 Ahi hangin amah in, “Note in a nek ding uh khatpeuh pia un,” a ci hi.

Amaute in ama kiangah, “Tuabang hileh pasal khat, kha giat thaman ^{▼▼6.37 Greek ah denari zanih la in} tak bei ding hi! Kote pai-in tua zah tawh an va lei-in amaute nek ding, pia ding ka hi uh hiam?” a ci uh hi. ^d

38 Amah in, “Anlum bangzah na nei uh hiam? Pai-in va en dih un,”a ci hi.

Amaute in a et khit uh ciangin, “Lum nga le ngasa nih om hi,” a ci uh hi.

39 Tua ciangin Jesu in mipite lopa hing tungah a pawlpawlin a tusak hi. 40 Tua ahi ciangin amaute a zaza, a sawm nganga-in a tu ciptep uh hi. 41 Tua anlum nga le ngasate gel la-a, vantung lam ento-in lungdam a koh khit ciangin anlumte a balkham hi. Tua ciangin mipite a lui dingun a nungzuite a pia hi. Amaute khempeuh lakah ngasate gel zong a hawm hi. 42 Amaute in ne uh a, a kham pikpek uh hi. 43 Nungzuite in anlum le ngasa athem aneng bawmta sawm-le- nih a tawm uh hi. 44 Tua an nete pasal cingteng tul nga a pha hi.