Mat 9:2-8 | ZomZIV | STEP | Mi pawlkhat in pumzaw khat zawngin ama kiangah va paipih uh a, phek tungah a sial uh hi. Jesu in amau upna a muh ciangin pumzawpa kiangah, “Ka tapa aw, lungkhauh in; na mawhnate kimaisak zo hi,” a ci hi.

Matthew 9:2-8

2 Mi pawlkhat in pumzaw khat zawngin ama kiangah va paipih uh a, phek tungah a sial uh hi. Jesu in amau upna a muh ciangin pumzawpa kiangah, “Ka tapa aw, lungkhauh in; na mawhnate kimaisak zo hi,” a ci hi. ^a

3 Hih thu ah, thukham siate pawlkhat in, “Hih pa in Pasian a gendai hi,” a ci uh hi.

4 Jesu in amau ngaihsutna thei ahi ciangin, “Bang hangin na lungsim uhah thusia ngaihsun na hi uh hiam? 5 ‘Na mawhnate kimaisak zo hi,’ cih ding baihzaw ahi hiam? ‘Tho inla pai in,’ cih ding baihzaw ahi hiam? 6 Ahi hangin Mihing Tapa in hih leitungah mawhnate maisak theihna thu nei hi, cih na theih nadingun....” a cih khit ciangin pumzawpa kiangah, “Tho in, na phek la inla ciah in,” a ci hi. 7 Tua ciangin cinapa thoin a innah a ciah hi. 8 Mihonpite in hih thu a muh uh ciangin lamdang a sa mahmah uh a, hih bang thuneihna mihingte tunga a pia Pasian a phat uh hi. ^b