Pro 8:22-31 | ZomZIV | STEP | TOPA in tanglai-a a nasepte a sep ma, a nasepte sung panin kei hong piangkhiasak masa hi.

Proverbs 8:22-31

22 TOPA in tanglai-a a nasepte ^{▼▼8.22 Ahikeh lampi ahikeh kumpi-gam} a sep ma,
a nasepte sung panin kei ^{▼▼8.22 Ahikeh TOPAahikeh TOPA} hong piangkhiasak masa hi.
23 Leitung a om ma, atung pek pan,
a tawntungin kei a sehsa ^{▼▼8.23 Ahikeh zepsa} ka hi hi.
24 Tuipi a om ma, tuinakte pan tui a luan ma-in
kei ka suak khin hi;
25 mualneute le mualliante ^d
a mun dingah a kikoih ma, ^e
26 leitung le a tunga lote,
leitang vuite khatpeuh a bawl ma-in kei hong kisuaksak zo hi. ^f
27 Vantungte a mun ah a koih lai ^g
tuithuk tunga muhtawp a ciamteh lai, ^h
28 tunglam ah meiite koiha, ⁱ
tuithuk nakte a kipsak lai,
29 tuite in ama thupiakna val a kal loh nadingin
tuipi gamgi a khun lai le ^j
leitung bulpi ding a ciamteh lai-in, tua lai-ah kei ka om khin hi.
30 Tua hun lai-in a gei-ah khutsiampa in ka om hi. ^k
Nisimin nuam ka sa mahmah a,
ama ompihna ah kipak tawntungin,
31 ama leitung buppi ah kipakin
mihingte lak nuam ka sa hi.