Col 3:22-4:1 | LezIBTNT | STEP | ЛукӀар, вири крара и чилел куь иесийриз табий хьухь. Им инсанар рази авун паталди вилиз хъсан аквадай краралди ваъ, рикӀин къеняй, Аллагьдихъай кичӀе яз гьа икӀ ая.

‏ Colossians 3:22-25

ЛукӀаринни абурун иесийрин алакъаяр

(Эф. 6:5-9)

22 ЛукӀар, вири крара и чилел куь иесийриз табий хьухь. Им инсанар рази авун паталди вилиз хъсан аквадай краралди ваъ, рикӀин къеняй, Аллагьдихъай кичӀе яз гьа икӀ ая. 23 Куьне вуч ийиз хьайитӀани, вири рикӀелди ая, куьне ам инсанар патал ваъ, Ребби патал ийизвай хьиз ая. 24 ГьикӀ лагьайтӀа Реббидин патай квез ирс савкьват яз гудай чӀал квез чизва. Куьне Месигьдиз къуллугъзава. 25 Масадаз зиян гузвайдаз вичизни зиян гуда. Аллагьдиз сад муькуьдалай вине кьун хас туш.

‏ Colossians 4:1

1 Агъаяр, куь лукӀарив гьахъ-михьивал гваз ва лайихдаказ, квехъ цаварал Агъа авайди рикӀел хвена, эгечӀа.