f Забур 101:26-28.
Hebrews 1
Аллагь Вичин Хцелди рахун
1Алатай вахтара гзаф гъилера ва гзаф жуьрейра чи бан-бубайрихъ галаз пайгъамбаррин мецелди рахай Аллагь 2и эхиримжи йикъара чахъ галаз Вичин Хцин мецелди рахана. Аллагьди Вичин Хва виридан Пачагьвиле тайинарнай ва Адан куьмекдалди каинатни халкь авунай. 3Хва Бубадин баркалладин рекӀв я, Аллагьдин тӀебиатдин дуьм-дуьз кӀалуб я. Хци Вичин къудрат авай гафуналди каинат хьуниз куьмек гузва. Чун гунагьрикай михьи авуна, Ам цаварал Аллагьдин эрчӀи гъилихъай ацукьнава.Аллагьдин Хва вири малаикрилай вине я
4Гьикьван Ада къачур ТӀвар абурун тӀварарилай вине ятӀа, Ам малаикрилай гьакьван вине я. 5Малаикрикай низ ва мус Аллагьди икӀ лагьана: «Гила вун зи Хва,Инлай кьулухъ жеда Закай Буба ваз?» a
Я тахьайтӀа икӀ лагьана: «Буба жеда Зун Адаз,
Хва жеда Ам Заз?» b
6Вичин Сифтегьанди дуьньядиз ракъурзавайла, Аллагьди мадни лугьузва: «Аллагьдин вири малаикри къуй
Адаз икрам авурай» c.
7Малаикрикай Аллагьди лугьузва: «Ада Вичин малаикар элкъуьрзава гарариз,
Вичин нуькеррикай цӀун мецер ийизва». d
Амма Вичин Хцикай икӀ лугьузва: 8 «Я Аллагь! Даим я Ви тахт,
Ви пачагьвилин лаш – лаш я гьахъ дувандин.
9 Ваз гьахъ-михьивал кӀан хьана,
такӀан хьана Къанун чӀурун,
гьавиляй, я Ребби, Ви Аллагьди Вавай
гуьцӀна гзаф чӀем шадвилин
ви юлдашривай гуьцӀайдалай». e
10Хцикай мадни лугьузва: «Я Ребби! Вуна эвелдай эцигна
бине чилин,
цаварни кар я Ви Гъилерин.
11 Абур квахьда,
амма Вун амукьда даим яз;
абур, партал хьиз, кукӀвар жеда,
12 Вуна абур алчударна кӀватӀда, шаршав хьиз;
абур, партал хьиз, цӀийибуралди эвезда.
Амма Вун гьа Вун я,
эхир авач йисариз Ви». f
13Малаикрикай низ ва мус икӀ лагьана: «Ацукьа Зи эрчӀи гъилихъай,
За Ви вири душманар
вегьидалди кӀвачерик Ви?» g
14Чпиз хиласвал ганвайбуруз къуллугъ ийиз куьмекдиз ракъурзавай руьгьер малаикар тушни бес?
Copyright information for
LezIBTNT