Hebrews 2
Хилас хьуникай хабар инкар тавун патал эвер
1Гьавиляй чун чаз ван хьайидав генани дикъетдивди эгечӀун лазим я, тахьайтӀа чун селдин хура аваз фида. 2ГьикӀ лагьайтӀа, малаикри Мусадив агакьарнавай Къанундихъ къуват аватӀа, ва авур гьар са чӀурувили ва чӀалаз килиг тавуни гьахъ жаза гунал гъизватӀа, 3бес чун Реббиди Вичи малумарнавай ихьтин чӀехи хиласвиликай чна кьил къакъудзавайла, чаз гузвай жазадикай гьикӀ катда? ИкӀ тирди Адавай и хабар чпин япаралди ван хьайибуру тестикь авунай. 4И хабар аламатралди ва керемат-ишарайралди, Аллагьдин къуват къалурзавай краралди ва Аллагьди Вичиз кӀандайвал пайзавай Пак Руьгьдин савкьватралди Аллагьди Вичи тестикьарнава.Чун хиласун патал Аллагьдин Хцикай Инсан хьун
5Чун вичикай рахазвай гележегдин каинат Ада малаикрин гъилик кутунач. 6Амма са гьина ятӀани сада шагьидвал авунва: «Яраб инсан вуж ятӀа,икьван Вуна адахъ Ви рикӀ кузвайла?
Инсандин хва вуж я кьван,
Вуна адан къайгъу чӀугваз?
7 Малаикрилай Вуна Ам агъузна
са тӀимил береда,
баркалладин, гьуьрметдин таж алукӀна адал,
8 Вуна вири адан кӀвачик муьтӀуьгъна». a
Аллагьди вири инсандиз табий авуна, адаз табий тушир затӀни тунач. Амма инсандиз вири муьтӀуьгъ авунвайди чаз гьеле аквазвач. 9ЯтӀани чаз аквазва хьи, малаикрилай са тӀимил вахтунда агъада эцигнавай Исадиз баркалладикайни намусдикай таж авуна, вучиз лагьайтӀа ажалдик акатна; Аллагьди чаз гузвай берекат къалурун яз Исади гьар са касдин паталай ажалдин тӀям акуна. 10Вири Вич себеб яз ва Вичин куьмекдалди авай ва Вичин гзаф кьадар рухваяр-рушар, азабрай тӀуз тухвана, баркалладихъ гъизвай Аллагьди абурун хиласвилин кьил Кутурди тамамди яз авун лазим тир. 11Пак Ийизвайдини, ва Адалди пак жезвайбурни – вири са Бубадин аялар я, ва гьавиляй Исадиз абуруз стхаяр-вахар лугьуз регъуь туш. 12Ада лугьузва: «За Ви ТӀварцӀикай ихтилатда стхайризни вахариз Зи,
межлисда тарифда Ви». b
13Ада мад лугьузва: «За Гьадахъ далу акалда». c
ва мадни: «Ингье Зун ва Заз Аллагьди гайи аялар». d
14Аялар якӀукайни ивидикай хьун себеб яз, Адазни гьахьтин беден хьана, гъиле ажалдин винел гьукум авайди, яни иблис, Ада Вичин ажалдалди къуватдай вегьидайвал авуна, 15чпин вири уьмуьрда ажалдин вилик кичӀевилин лукӀвиле авайбур азадна. 16ГьикӀ лагьайтӀа Ада, са шакни алачиз, малаикриз ваъ, Ибрагьиман эвледриз куьмек гузва! 17И кар патал Вичикай Аллагьдиз ийизвай къуллугъда регьим авай, вафа хуьдай, халкьди авур гунагьрай Аллагьдиз мергьемет гъидай Кьилин хахам хьун паталди, Иса вири крара Вичин стхаяр-вахар хьтинди хьун лазим тир. 18Темягь тухудай крар эхиз, Ада азабар чӀугунай, гила уьмуьрда темягь тухудай крар гьалтзавайбуруз Адавай куьмек гуз жеда.
Copyright information for
LezIBTNT