John 18:19-24
Кьилин хахамдин силис
19Кьилин хахамди Исадивай Адан тилмизрикай ва Ада абуруз гайи чирвилерикай хабарар кьуна. 20Исади жаваб гана: – Зун вири дуьньядихъ галаз датӀана ачухдиз раханай. Чинеба лагьай гафар Захъ хьайиди туш. Вири чувудар кӀватӀ хьанвай Аллагьдин КӀвалени синагугра За Жуван чирвилер гузвай. 21Вуна Завай вучиз силис кьазва? За лагьайдакай Заз яб гайибурувай хабар яхъ. За вуч лугьузвайтӀа, гьабуруз чида. 22Исади и гафар лагьайла, Адан патав гвай нуькеррикай сада Адан хъвехъ кутуна яна, Адаз лагьана: – Кьилин хахамдиз гьакӀ жаваб гудани? 23Исади жаваб гана: – За чӀуру вуч лагьанатӀа, вуна Заз лагь: За дуьз жаваб ганатӀа, вуна зун вучиз язава? 24КутӀуннавай Иса Гьайнаса кьилин хахам Каяфан патав ракъурна.
Copyright information for
LezIBTNT