John 6:16-21
Иса целай фин
(МатӀ. 14:22-33; Мрк. 6:45-51)
16Няни хьайила Адан тилмизар вирихъ эвичӀна. 17МичӀи жезвай, амма Иса абурун патав къвезвачир. Абур луьткведа акьахна вирин а патаз – Кефернагьумдиз фена. 18Къати гар акъатнавай, вирелни лепе акьалтнавай. 19Са сятдин мензилдиз фейила, вирелай тӀуз атана луьткведиз мукьва жезвай Иса акуна, абуруз кичӀе хьана. 20Амма Исади абуруз лагьана: – Зун я, кичӀе жемир. 21Абуруз Ам луьткведа акьадариз кӀанзавай чӀавуз луьткве абуруз физ кӀанзавай чкадив агакьнавай.
Copyright information for
LezIBTNT