Luk 13:24-27 | LezIBTNT | STEP | – Аллагьдин Пачагьлугъдиз рехъ ачухзавай гуьтӀуь варарай физ алахъ, – жаваб гана Ада. – За квез лугьузва, гзафбур а варарай физ алахъда, амма абурувай анай экъечӀиз жедач.

‏ Luke 13:24-27

24 – Аллагьдин Пачагьлугъдиз рехъ ачухзавай гуьтӀуь варарай физ алахъ, – жаваб гана Ада. – За квез лугьузва, гзафбур а варарай физ алахъда, амма абурувай анай экъечӀиз жедач. 25 КӀвалин иесиди къарагъна рак агалайла, куьн къецел амукьда. Куьне: «Я Агъа! Я Агъа! Чаз рак ахъая», – лугьуз, варар гатаз жеда. Амма Ада квез жаваб гуда: «Куьн гьинай я? Заз куьн чидач». 26 Гьа вахтунда куьне лугьуда: «Чун Вахъ галаз фу-яд тӀуьрбур я, чи куьчейрани Вуна чирвилер гайиди я». 27 Амма Агъади жаваб гуда: «За квез лугьузва: куьн гьинай ятӀа, Заз куьн чидач. Залай алат, адалат квачир крар ийизвайбур».