Luk 17:1-3 | LezIBTNT | STEP | Исади Вичин тилмизриз лагьана: – Инсан рекьяй акъуддай затӀар дуьньяда тахьун мумкин туш, амма абур ни арадал гъизватӀа, гьадаз гуж жеда.

‏ Luke 17:1-3

Исади тилмизриз гъил къахчуз чирун

(МатӀ. 18:6-7, 15, 21-22; Мрк. 9:42)

1 Исади Вичин тилмизриз лагьана:

– Инсан рекьяй акъуддай затӀар дуьньяда тахьун мумкин туш, амма абур ни арадал гъизватӀа, гьадаз гуж жеда. 2 ГьакӀан гъвечӀи инсанрикай сад рекьяй акъудзавай кас гарданда регъуьн къван туна гьуьлуьз вегьейтӀа, хъсан я. 3 Мукъаят хьухь, ви стхади гунагь жедай са кар авуртӀа, вуна адаз туьнбуьгь ая. Ада туба авуртӀа, вуна адалай гъил къахчу.