Luk 5:12-16 | LezIBTNT | STEP | Садра Иса са шегьерда авайла, Адан патав жузам азарди кьунвай са кас атана. Ам Исадин вилик ярх хьана, Адаз минетна: – Я Агъа! Ваз кӀан хьайитӀа, Вавай зун сагъар хъийиз жеда эхир!

‏ Luke 5:12-16

Жузам азар квайди сагъар хъувун

(МатӀ. 8:1-4; Мрк. 1:40-45)

12 Садра Иса са шегьерда авайла, Адан патав жузам азарди кьунвай са кас атана. Ам Исадин вилик ярх хьана, Адаз минетна:

– Я Агъа! Ваз кӀан хьайитӀа, Вавай зун сагъар хъийиз жеда эхир!

13 – КӀанзава Заз, сагъ хъхьухь! – адак гъил кяна лагьана Исади.

Адакай гьасятда жузам хкатна.

14 – Килиг, – лагьана Исади, – гьич садазни чуькьмир, амма, хахамдин патав фена, жува жув гьадаз къалура. Ви азар хкатунин сагълугъдай Мусадин Къанундив кьадайвал, къурбандни гъваш. Гьа идалди вун дири хъхьанвайди чир хьурай.

15 ЯтӀани, къвердавай Исадикай ван-сес гегьеншдиз чкӀана. Гзаф кьадар инсанар, Адаз яб гуз ва чпик квай азарар хкудун патал, Адан патав къвез хьана. 16 Амма Ам дуьаяр авун патал кьурумдиз фидай.