Luk 6:1-5 | LezIBTNT | STEP | Са Киш юкъуз Иса Вичин тилмизарни галаз къуьлер цанвай никӀяй тӀуз физвай. Адан тилмизри, кьилер атӀуз, абур капалай ийиз, тварар незвай.

‏ Luke 6:1-5

Киш йикъан гъавурда тун

(МатӀ. 12:1-8; Мрк. 2:23-28)

1 Са Киш юкъуз Иса Вичин тилмизарни галаз къуьлер цанвай никӀяй тӀуз физвай. Адан тилмизри, кьилер атӀуз, абур капалай ийиз, тварар незвай. 2 Фарисейрикай садбуру Адаз лагьана:

– Куьне Киш юкъуз къадагъа кар вучиз ийизва?

3 Исади жаваб гана:

– Давуд пачагьдиз ва адахъ галайбуруз гишин хьанвайла, абуру вуч авунатӀа куьне Каламдай кӀелначни мегер? 4 Давуда Аллагьдин КӀвализ гьахьна, хахамрилай гъейри садазни недай ихтияр авачир, Реббидин вилик жедай фар къачуна вичини тӀуьна, галайбурузни гана.

5 Ада давамар хъувуна:

– Инсандин Хва Киш йикъанни Агъа я.