Luk 8:22-25 | LezIBTNT | STEP | Са юкъуз Иса Вичин тилмизарни галаз луьткведа акьахайла, Ада абуруз лагьана: – Ша чун вирин а патаз экъечӀин. Абуру луьткве гьална.

‏ Luke 8:22-25

ТӀурфан секинарун

(МатӀ. 8:23-27; Мрк. 4:36-41)

22 Са юкъуз Иса Вичин тилмизарни галаз луьткведа акьахайла, Ада абуруз лагьана:

– Ша чун вирин а патаз экъечӀин.

Абуру луьткве гьална. 23 Рекье Иса ахварал фена. Вирел къати гар акьалтна, луьткве цяй ацӀуз эгечӀна. Абур кӀеве гьатна. 24 Тилмизри Иса ахварай авудна, лагьана:

– Устаз! Устаз! Чун цин кӀаниз язава.

Ада къарагъна гарни гур лепеяр секинарна. ТӀурфан акъвазна, кьуд пата секинвал гьатна.

25 – Куь иман гьиниз фена? – хабар кьуна Ада.

КичӀевал акатнавай ва мягьтел хьанвай тилмизри чпи чпиз лагьана:

– Гарни яд Вичиз кӀандайвал муьтӀуьгъарзавай Им Вуж хьурай?