‏ Luke 9:57-60

Исадин гуьгъуьнаваз физ кӀанзавайбур

(МатӀ. 8:19-22)

57Абур рекье авайла, са ни ятӀани Адаз лагьана:

– Я Агъа! Вун гьиниз фейитӀани, зунни Ви гуьгъуьна аваз къведа.

58– СикӀерихъ кьветӀер жеда, – жаваб гана Исади, – цавун къушарихъни – мукар, амма Инсандин Хцихъ кьил эцигдай са чка авач.

59Муькуьдаз лагьана:

– Зи гуьгъуьна аваз ша.

– Я Агъа! – лагьана ада. – Вуна заз фена эвел зи буба кучукдай ихтияр це.

60Амма Исади лагьана:

– Кьейибур къуй чан алай мейитри кучукрай, жува фена Аллагьдин пачагьвиликай муштулухар це.
Copyright information for LezIBTNT