Mark 1:1-8
Ягья пайгъамбардин чирвал
(МатӀ. 3:1-12; ЛкӀ. 3:1-18; Ягь. 1:19-28)
1 Аллагьдин Хва Иса Месигьдикай Шад Хабардин эвел ихьтинди я. 2Яшай пайгъамбарди Вичин ктабда «Килиг, Валай вилик За Зи чархачи ракъурзава, ада Ви вилик Вун къведай рехъ гьазурда» a. 3«Кьурумда гьарайзавайдан ван чкӀида: „Реббидиз рехъ гьазура, Адан рехъ дуьзди ая“» b кхьенвайвал, 4инсанрив цик акахьун къачуз тадай Ягья кьурумда пайда хьана. Ада, куьн Аллагьдин рекьел ша, и кар кьиле тухунин лишан яз, цик акахьун къачу ва гьа чӀавуз Аллагьди гъил къахчуда лугьуз, вязер-несигьатар гузвай. 5Вири Ягьудатдай ва Ярусалимдай адан патав инсанар къвезвай, чпин гунагьар хиве кьазвай ва адан кап алаз Ярдан вацӀа цик акахьун къачузвай. 6Ягьядал деведин сун пекер алай, юкьвани тумаждин гьяркьуь чӀул авай. Ада незвайди цицӀерни чӀуру чӀижерин вирт тир. 7Вичин вязера ада лугьузвай: – Зи гуьгъуьнлай къвезвайди залай къудрат авайди я. Зун Адан кӀвачин къапарин чӀулар ахъайизни лайих туш. 8За квев цик акахьун къачуз туна, Ада, лагьайтӀа, квев Пак Руьгьдик акахьун къачуз тада.
Copyright information for
LezIBTNT