Mar 12:35-39 | LezIBTNT | STEP | Аллагьдин КӀвале чирвилер гун давамариз, Исади лугьуз хьана: – Тавратдарри Месигьдиз Давуд пачагьдин Хва вучиз лугьузвайди я?

‏ Mark 12:35-39

Месигь – Давуд пачагьдин Хва яни?

(МатӀ. 22:41-46; 23:1-7; ЛкӀ. 11:43-46; 20:41-47)

35 Аллагьдин КӀвале чирвилер гун давамариз, Исади лугьуз хьана:

– Тавратдарри Месигьдиз Давуд пачагьдин Хва вучиз лугьузвайди я? 36 Пак Руьгь акатай Давуд пачагьдин вичин мецелай алатнай: «Реббиди зи Агъадиз лагьанай: „Ви душманар За Ви кӀвачерик вегьидалди Зи эрчӀи гъилихъай ацукь“» ^a.

37 Давуд пачагьди Месигьдиз Агъа лугьуз хьайила, Ам адан эвлед гьикӀ жезвайди я?

Гзаф халкьди хуш аваз Адаз яб гузвай.

38 Халкьдиз чирвилер гуз, Исади лугьузвай:

– Тавратдаррикай яргъаз хьухь! Абуруз, яргъи пекер алаз, майданрал чеб къалуриз кӀанзава, абурун рикӀ халкьди чпиз гьуьрмет къалурунал ала. 39 Синагуграни межлисра абур вилик чкаяр кьаз алахъда.